الاسئلة و الأجوبة

السلام عليكم… من منكم يملك معلومه حول هولندا ان كانت تقبل الاجئين من جنوب العراق ولا لا؟؟ بعتبار ان جنوب العراق منطقه امنه كما يقولون… ليملك معلومه لا يقصر

الاخ سليم وهذا الخبر اشراح يفيدنا بالقضيه مالتنا …

ana sarlee 9 sanawat be holand althalema

السلام إخوان انا خابرت على IND قبل شهر سألتهم شوكت ادزولي جواب.
كالو خيلال شهرين ا هسة صآر شهرين وأسبوع ومااجاني والله ماعرف شى اسوي .صديقي من الموصل دزولة الإقامة .انا ديالى

السلام عليكم .. خواني اني ناوي اجي لهواندا.. بس اريد اعرغ كيفيه الوصول لهولندا.. عن اي طريق؟ اقصد الخطوات الاوله.. اكدر اجي كسائح مثلا؟او عن طريق تهرب لو شلون فهموني. علما وياي عائله من 5 نفرات… جزاكم لله خير ارجو التوضيح..

ارجو من الاخوان اللي راح يتصلون …. يبلغونه بما يحصل معهم …… لانه صار محاميين ثنين عندما سالناهم عن هذه اللجنه المكونه من ٦ أشخاص … نفو الموضوع نفيا قاطعا … وكذبوا .!!! ؟؟؟ …… علما ان خبر موضوع اللجنه تم امامي … والخبر اجه من محقق ب الاي ان دي !!! …. والله حيخبلونه المحاميين …. لو عرض حلجيه … هم جان دروا بالموضوع ….. اتمنى من اليتصل ينطينه خبر
تحياتي

السلام عليكم اخواني الكرام ممكن اصحاب الخبرة الي يعرف منظمة تساعد اللاجئين على التظاهر احنه فلسطينين من العراق ونريد نسوي مظاهرة شنو تنصحونا اخواني بالمكان والزمان وان شاء الله يفرجها علينا وعليكم وشكرا

اخي الغزيز
بما انه فرنسا لا تسمح بالسفر بجوازك العراقي فمن الافضل ان تنسي السفر بجواز العراقي
ثانيا لديك اقامه فرنسيه فهناك احتماليه بان هولندا تبلغ الحكومة الفرنسيا بجوازك العراقي و هذا ما سيعرض اقامتك للخطر

السلام عليكم ورحمة الله وبركاته

الى الأخوة الأعزاء وفقكم الله لخدمة أهلكم العراقيين

أرجو ممن يمتلك المعلومة الدقيقة والصحيحة مساعدتي عاجلاً لأنني اود السفر غداً إنشاء الله ومن مطار أمستردام

أنا لاجيء عراقي مقيم في فرنسا وأمتلك جواز عراقي بالإضافة إلى جواز اللاجئيين الذي منحته لي الحكومة الفرنسية ،،،، هل بالإمكان السفر إلى تركيا بجوازي العراقي مع ارفاق اقامتي الفرنسية من مطار امستردام دون حدوث اشكال لكوني لاجيء سياسي ولايحق لي السفر بالجواز العراقي ،،، لأن فرنسا لاتسمح للاجيء بحمل جواز بلده ،،،، انتظر اجاباتكم اني دا اريد احجز من امستردام لتركيا وعندي فيزا لدخول تركيا طلعتها على جوازي العراقي عن طريق الانترنت وطبعاً جوازي العراقي جديد ولاختم بي ،،،، شتنصحوني الله يرضى عنكم ،،،، جداً مستعجل لرؤية الاهل …. وجزاكم الله كل خير

حبيبي والله قديم اكون ممنون منك لا خويه اني 2008 هيه مال خميس وجمعه بهل ضهريه

بالصفحه الاولى مال الانتر فيو … على اليمين تلكه معلومات المحقق .. اسمه… ايميله وفاكسه والتلفون … واتصل بي …. تكدر حت تدزله رساله بالبريد العادي… تحط عنوان المحكمه عالضرف ويسلم الى .. وتجرخ اسمه …وخلص

السلام عليكم
شباب اللي عنده خبرة شلون اكدر احصل على اتصال مع المسؤول عن ملفي في اي ان دي.ونشكركم جزيل الشكر والفرج للجميع يا رب

طبعا ٨٠٠ ملف (( كيس )) وليس ٨٠٠ شخص … يعني العدد اكبر من ٨٠٠ شخص ….. ياريت الادمن او انه لن ننسى الظلم او دكتور سليم .. يحاولون يجيبولنه معلومات عن هاي اللجنه وطبيعة عملهه واقصى مده الهه لاتخاذ قرار … غير المفروض اكو قوانين ومحددات متعلقه باي لجنه يتم تشكيلها ؟

السلام عليكم اخواني الاعزاء اني كانت عندي محكمة قبل اسبوعين واجاني رفض كوني من بغداد وقال الاي ان دي ان بغداد اعتبرناها من المناطق الامنة وتقدر ترجع عليها بدون مشاكل وانا فلسطيني مواليد بغداد نصيحه اخواني صارلي اربع سنوات بالكمبات وقدمت لجوء ثلاثة مرات كله رفض وحاليا قال المحامي رح يطردوك من الكمب لانه ما يصير تنتظر محكمة العليا بالكمب افكر اروح UN واشرحلهم شنو رايكم اخواني وان شاء الله الفرج على الجميع ان شاء الله

السلام عليكم أبو أحمد وضحلنا اشوي انت من يامحافظة. إذا بغداد سالفة يختلف .

حبيبي سلام العراقي الورد
لا والله يا اخي بس اني هم دايخ بهاي السالفه
اخي الاصغر صارله 4 سنين بهولندا و هسه هم مشمول بهذا القرار و المدة مالته هم انتهت و لحد هسه ماكو شئ طبعا احنا ما اشتكينا لان نريد نشوف شنو تاليه
والله يا سلام ما تعرف قسم اخذو اقايم قسم رفض ما تعرف شلون تتعامل ويه هولندا بصراحه ماكو خط محوري واحد يمشئ عليه

بالمناسبه
٣ من اصدقائي خلصت السنه وست اشهر .. واشتكوا … وخلصت فترة ال سبوعين مال الشكوى …. ولم يستلموا نتيجه لحد الان …. علما انهم من المحافظات المشموله بقرار منح الحمايه

اخ قديم هل يوجد اخبار جديد عن العراقيين اشو اني اشتكية على ايندي بس ماكو رد اشو ماكو حد يكتب ادمن اخي شنو سالفه

عفوا اقصد كلام د.سليم المحترم

مرحبا اخواني حبايبي هذا الموقع هو موقع لتبادل الاخبار وتبادل الاراء والمناقشه مو موقع امتحان يعني كل شخص ينطي رايه وتحليله للموقف او استنتاحه او توقعاته ميصير اي شخص يكتب خبر او راي نكعد نحقق وياه منين واشلون وليش كلت هيجي وصار هيجي يعني حتا الي يريد يكتب هم يتردد رجاء اخوان هو المحامي ميعرف INDشتريد او شنو رده موهل المره احنه نعرف اتمنى محد يزعل مني وتتقبلون راي ونبقى على تواصل

السلام عليكم ورحمة الله

اخواني العراقيين المظلومين تحية طيبة لكم جميعا
اود ان ابلغكم معلومة قد تفيدكم وهي ان ملفات جميع العراقيين من جميع المحافظات والذين كانوا قد قدموا طلبات لجوء ولم تحسم طلباتهم لحد الان هؤلاء جميعا تم تحويل ملفاتهم الى قسم خاص في دائرة الهجرة ( اي ان دي) قسم يختلف عن قسم دراسة ملفات اللجوء وهذا الامر ليس سرا وجميع المحامين لديهم علم بهذا الشئ وهذا الامر منذ اكثر من شهر بقليل يعني تقريبا 40 يوم او اقل قليلا ولكن السؤال هل هذا الخبر ايجابي ام سلبي لا احد يعلم بالضبط ماذا سيحدث بالمستقبل القريب وكل الاحتمالات واردة ونسال الله التوفيق والصبر

اخواني العراقيين كلما ضاقت بكم الامور تذكروا ان الثبات على المبادئ والقيم ليس بالامر الهين ولكن عاقبته بعد الصبر سيكون الفرج باذن الله لذلك اوصيكم بالتحلي بالصبر

اعتقد ليس من مصلحة اللاجئ العراقي الاستعجال بالحصول على قرار حاليا
بالنسبة لقرار بغداد هو قرار سياسي لاعلاقه له بالوضع الامني كما تعلمون بغداد اخطر مدينة بالعالم في كافه التقارير والمؤشرات واستبعاد اهل بغداد من الاقايم له اسباب سياسية متعددة لامجال لذكرها
اقصى مايمكن الحصول عليه هو تسوية اوضاع العراقيين من بغداد الذين مضى على وجودهم في هولندا 5 سنوات فما فوق اكرر مانطلبه هو (تسوية اوضاع اللاجئين العراقيين من بغداد +5) ليكن هذا هدفكم الرئيسي وهو قابل للتحقيق بشرط ان نرتب بيت اللاجئين البغداديين

ادعوكم مرة اخرى لترتيب بيت اللاجئين البغداديين في هولندا
ادعوكم اخواني ان تختاروا لاجئ عراقي من بغداد ومن القدماء +5 من كل كمب فيه عشرة عراقيين فما فوق هذا الشخص يكون ممثلا عنهم

وادعوكم للقاء ممثلي الكمبات في دنهاخ بشكل روتيني كل شهر مرة على الاقل ويكون ثمن الرحلة من الكمب الى دنهاخ يقسم بالتساوي على كل اللاجئين العشرة او اكثر الذين اختاروا ممثلهم للاجتماع ولتوصيل وجهة نظرهم

ليكن الاجتماع بعد اسبوع او عشرة ايام تقريبا للتشاور والتباحث فيما لو اصرت هولندا على عدم اعطاء اللاجئين من بغداد حقوقهم ماذا يمكنهم ان يفعلوا لنيل حقوقهم ؟؟؟؟؟

عليكم ترتيب اموركم —— ! اختاروا لانفسكم

اخوكم د سليم

علي حبيبي وين شايف هذا الفلم ؟

رسالة مني للجدد في هولندا نصيحه اخويه الي يكدر يرجع ليضيع وقت هنا لان همه ويا القديمين شادين لعد ويا الجدد شلون اني هولندا لا مالتي ولا اوربا الي بس وحق رب العباد صعبه صارت الاقامة يا اما تصير هومو بين قوسين تكول اني متحول جنسيا يا اما تترك الاسلام وتصير مسيحي هذا واقع حال البلد هذا بلذات عنده هاي السالفه رجاء اخوي لحد يضوج من كلامي احنه عراقيين و اخوه من كل الاديان اخوه وكان الله يحب المحسنين

السلام عليكم شباب
هاي اول مشاركة الية… حسب معلوماتي البسيطة ان المسألة هية سياسية بحتة ومع احترامي لكل الاراء لا اعتصام ولا شي. (للعلم انا كنت حاظر بالتظاهرة الاخيرة في دنهاخ).
واذا القرار السياسي غير موجود نتحول لبقية الامور مثلا: القضية او القصة الي كلتهة بالانترفيو وهي (المؤثر الاول في الاقامة) هل هي مقنعة او لا… وبعدين امور اخرى مثل الشخص المعني بقضيتك بال IND وهذا موضوع (مؤثر كلش)… وكذلك ملفك خلال فترة الانتظار (وهذا تأثيرة اقل)… والمحامي هم الة تأثير بالموضوع.
وهمات اكو امور اخرى الله اعلم بيهة.

انا وصلت لهولندا وقدمت لجوء في الشهر الخامس سنة 2015 وكانت فترة تجميد اقامات للعراقيين فنطوني انتظار لمدة ست اشهر من خلصت نطوني ست اشهر اخرى وهسة قبل ما تخلص نطوني انتظار ست اشهر اخرى ههههه وما اعرف شوكت تخلص علما اني من الفلوجة.

اخي العزيز
انا على اتصال باحد المسوؤلين بمنظمة الفي في ان
و حسب ما قال لي بان تقريبا 95% من كل الاشخاص الذي قدموا شكوى على الوزارة بسبب انتهاء المده المحدده اجاهم رفض من الوزارة و حسب ما قال بان من الافضل ان يصبروا و ينتظرون الوزارة شراح تقرر بيهم